ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងពីគុណសម្បត្តិនៃផ្លូវថ្នល់ដោយថាក្នុងអាណត្តិនេះនឹងតទៅមុខទៀតផ្លូវគឺជាអាទិភាពទី២ បន្ទាប់ពីមនុស្ស។ សម្ដេចបានលើកឡើងថាសមិទ្ធផលទាំងនេះគឺកើតឡើងពីសុខសន្តិភាពដែលរកបានដោយលំបាក។
ថ្លែងនៅក្នុងពិធីបើការដ្ឋានសាងសង់ស្ពានចាក់អង្រែក្រោមព្រែកប្រាព្រឹកថ្ងៃចន្ទ ទី១៩ ខែកុម្ភៈ ឆ្នាំ២០២៤ សម្ដេចធិបតី ហ៊ុន ម៉ាណែត បានលើកឡើងថា ផ្លូវគឺជាសរសៃឈាមដែលទៅដល់ណាសេដ្ឋកិច្ចនឹងដល់ទីនោះនិងថាគឺជាកត្តាសំខាន់ទី២ បន្ទាប់ពីមនុស្ស។
សម្តេចធិបតីបានរំឮកថាស្ដិរភាព និងការរីកចម្រើនដូចពេលបច្ចុប្បន្នគឺបានពីកិច្ចប្រឹងប្រែងក្នុងការបញ្ចប់សង្គ្រាមហើយសាងសុខសន្តិភាពដោយសម្ដេចតេជោ ខណៈសម្ដេចមានប្រសាសន៍ថា «ទោះតម្លៃណាក៏ដោយត្រូវតែរួមគ្នារក្សាឱ្យបាននូវសុខសន្តិភាពទាំងពេលបច្ចុប្បន្ន ទៅអនាគត»៕
ព័ត៌មានជាច្រើនទៀតសម្រាប់អ្នក
